Tocàre el cèo coe man Gera matina, squasi…. El ceo se verzèa cofà na rosa. Passo drio passo verso na meta, sensa badàre a fadiga e suòre par traguardi.

Presentazione sul tema: "Tocàre el cèo coe man Gera matina, squasi…. El ceo se verzèa cofà na rosa. Passo drio passo verso na meta, sensa badàre a fadiga e suòre par traguardi."— Transcript della presentazione:

1

2

3

4

5 Tocàre el cèo coe man

6 Gera matina, squasi…. El ceo se verzèa cofà na rosa. Passo drio passo verso na meta, sensa badàre a fadiga e suòre par traguardi che no paga scarsèa, par traguardi che paga drento de ti.

7 Ceo e bosco, sassi e odòri de resine muschi e fiori, daea gensiana al ciclamìn, da on fioreto xaeo che no conoso, tacà na raixa de on pin.

8 Distante el verso de on cedròn, a destra on pra imenso, a sinistra on buròn, pi in la, l’ombra sguelta de on capriòeo come lampo, sensa rumore.

9 Orizonti che cambia in ogni cantòn come quadri, driomàn. Sensasion che te imbriàga. Voria fermare el tempo, par on di sensa domàn.

10 Al’improviso te senti el siensio, te sinti el to respiro, el core che bate, e fantasie se fa vere e fadighe se perde, so spassi infiniti, so quel che te paga: tocàre el ceo coe man fora da sto mondo, fora dal so bacàn.

11 Ogni pensiero xe prehiera, ogni respiro xe preghiera. Ogni sasso, ogni nùvoea, ogni erba, xe drento de ti. El vento te caressa, te parla, co siensi infiniti, el ramèna e nuvòe le slonga, le slarga, le ingròpa.

12 Soa strada de casa i oci se perde in te on tramonto che brusa i ultimi coeori, de na giornada, co a prima stèa che varda basso, co a prima stea, pi alta oncora de ogni sasso.

13 Aprìe 2010 Zaniolo Roberto