Fjala për ta jetuar

“Mos u ankoni, vëllezer, njëri kundër tjetrit.” (Jak 5,9)

Për ta kuptuar më mirë fjalën që na propozohet këtë muaj është e nevojshme të kemi parasysh rrethanat që e kanë vënë në dukje.

Janë mosmarreveshjet që hasen në komunitet e krishtera të cilave u drejtohet letra e apostullit Jakob.

Bëhej fjalë për skandale, për diskriminime sociale, për një përdorim egoist të pasurive, për shfrytëzim të punëtorëve, për një fe të bërë me tepër nga fjalë se nga vepra, etj.

E gjitha kjo nxiste mëritë dhe hatërmbetjet mes njëri tjetrit, duke krijuar një gjendje të vështirë për të gjithë bashkësinë.

“Mos u ankoni, vëllezer, njëri kundër tjetrit.”

Që në epokën apostolike mund të vihej re pra, ajo që edhe sot e shohim nëpër komunitet tona:

vështirësitë më të mëdha për të jetuar besimin tonë shpesh nuk janë ato që vijnë nga jashtë, pra nga bota, por ato që rrjedhin nga brenda;

nga situata që ndeshen dhe nga sjellje të vëllezërve tanë që nuk janë në një drejtim me idealin e krishterë.

Dhe kjo prodhon një ndjesi dobësie, mosbesimi dhe tronditjeje.

“Mos u ankoni, vëllezer, njëri kundër tjetrit.”

Por, në qoftë se, të gjitha këto kundërshti dhe moskorektësi, pak a shumë të rënda, e kanë rrënjën në një fe jo gjithmonë të iluminuar dhe në një dashuri akoma të papërsorur kundrejt Hyjit dhe tjetrit, sjellja e parë e të krishterit nuk duhet të jetë padurimi dhe papajtueshmëria, por ajo që na mëson Jezusi.

Ai na kërkon pritjen me durim, mirëkuptimin dhe mëshirplotë që ndihmon zhvillimin e farës së mirësisë që është mbjellë tek ne, ashtu sic shpjegon edhe shëmbëlltyra e egjrës (Mateu 13,24-30.36-43)

“Mos u ankoni, vëllezer, njëri kundër tjetrit”

Si ta jetojmë, pra, fjalën për të jetuar të këtij muaji Si ta jetojmë, pra, fjalën për të jetuar të këtij muaji? Ajo na vë përballë një aspekti të vështirë të jetës të krishterë.

Edhe ne bëjmë pjesë në bashkësi të ndryshme (familja, famullia, organizata, vendi i punës, shoqëria civile), ku mund të ketë shumë gjëra që sipas nesh nuk shkojnë mirë:

temperamenti, mënyra për t’i parë gjërat, mënyra e të vepruaarit, mospërputhje, që na lëndojnë dhe provokojnë tek ne sjellje kundërshtuese.

Ja pra, ka shumë raste për të jetuar mirë fjalën për ta jetuar të këtij muaji,

në vend të psherëtimes apo dënimit, që jemi të tunduar të bëjmë, do të vëmë tolerancën dhe mirëkuptimin, pastaj për aq sa është e mundur, edhe kritikën vllazërore;

por mbi të gjitha do të japim një dëshmi të krishterë duke iu përgjigjur mungesave të mundshme të dashurisë dhe përkushtimit, me më shumë dashuri dhe përkushtim nga ana jonë.

“Mos u ankoni, vëllezer, njëri kundër tjetrit” Testo di Chiara Lubich, scritto nel 1989 Grafica Anna Lollo in collaborazione con don Placido D’Omina (Sicilia, Italia) * * * Il commento alla Parola di Vita è tradotto ogni mese in 96 lingue e idiomi, e raggiunge vari milioni di persone in tutto il mondo tramite stampa, radio, TV e via internet. Per informazioni www.focolare.org Questo PPS, in diverse lingue, è pubblicato su www.santuariosancalogero.org