Drio e strade, in medo ai campi, dopo caredàe piene de erbàsse, quatro prie sensa malte, porte derfàe, belconi de picoeòn.

Presentazione sul tema: "Drio e strade, in medo ai campi, dopo caredàe piene de erbàsse, quatro prie sensa malte, porte derfàe, belconi de picoeòn."— Transcript della presentazione:

1

2

3 Drio e strade, in medo ai campi, dopo caredàe piene de erbàsse, quatro prie sensa malte, porte derfàe, belconi de picoeòn.

4 Oci verti sol tempo che passa sensa pi storia, sensa bacàn.

5 Soa stàea i muri, bianchi de calsina, oncora sporchi de vaca, sporco che, romài, no spussa pi...

6 A rete del punàro, a staea del mastcio, robe caressàe dal tempo, robe che romài no serve pi.

7 In cusina, na toea meda derfà, soa ròea del camìn,na pignata onta de caeùdene e macà,

8 Soe càmare, qualche santo, picà in tel muro, romài sbregà, resto de na fede fata de lagrime fata de passiòn, fata de preghiere, resto de na fede poareta, ma sentìa.

9 Camare che ga visto nassare tusiti, camare che ga visto sararse i oci dei veci, dea pora zente,

10 camare sbandonàe, co mie storie da contare, ma se te passi da rente, romài, non te sinti pi gnente.

11 Drio e strade, in medo ai campi, testimoni mute del tempo che passa, del tempo che tuto strassa.

12 Roberto Zaniolo 14-01-2011